ඇන්ඩ්රොයිඩ් දුරකථන අතින් ගෙන හෙඩ් ෆෝන් ඉහේ දමාගෙන, ලැප ඔඩොක්කුවේ තබාගෙන නැතිනම් කරේ දමාගෙන, තෙරපෙමින් පුද්ගලික හෝ ලංගම බසයක නැතිනම් හැම දාම ප්‍රමාද ආණ්ඩුවේ දුම්රියේ යන, යන ගමන් ආණ්ඩුවට බනින, විපක්ෂයට ද බනින, මැක් එකෙන් නැතිනම් කේ එෆ් සි එකෙන්, එච් එස් බි සි ණය පතට කෑම ගෙන කන, නොගේව්වම රිකවරියෙන් බැනුම් අහන, කෙල්ල එක්ක රෝමාෆෝ යන ගිහින් පොෂ් වගේ ඉන්න, එම් සි බහින, ජාතිය ගැන, ආගම ගැන බුදු ටෝක් දෙන, වර්ධන වේගය අඩුයි කියල බෙරිහන් දෙන, කෙල්ලට පොස්ටිනොර් පොවන, බඳිනකොට කුලේ හොයන, ගෙයක් කාර් එකක් දෑවැද්දට ඉල්ලන, පොරුවේදී සුදු රෙද්ද අන්දවන්න, උදේට ජපන් කොඩිය බලන, නොතිබ්බොත් ගෑනිව එලවන, බටහිර ක්‍රිස්තියානි යුදෙව් චින්තනයට එරෙහිව ජාතික චින්තනයට පන පොවන, ක්‍රිස්තු වර්ෂයෙන් 2012 වැන්න සුභ කරගත් මහත්වරුනි....නෝනාවරුනි....
ගංවතුරින් අනාථ වුවන්ට මොබිටෙල් හරහා රුපියල් දහයක් එස් එම් එස් කර රුපියල් දහසක ගිණිකෙලි දැමු පුණ්‍යානුභාවයෙන් ඔබ සැමට කිතු වසින් 2013 වැන්න කිසි ගින්නක් නොවේවායි ඉතසිතින් හා අන්තිම ඉතුරු සිතින් ද ප්‍රර්ථනා කරමි.....!
Comments
Post a Comment